Ang guniguni mo'y paglakbayin doon,
Sa madugong landas ng ating dantaon.
Ang masasalubong ay isang panahon ,
Na pumaparito'y ilang tanong.
Ito ba ang lupang aking aangkinin
na tira-tirahan ng apoy at talim?
Ito ba ang manang aking aangkinin,
na sambuntong abo at nangangangang libing?
Ito ba ang mundong hinila kung saan,
ng gulong ng inyong hidwang kaunlaran?
Ito ba ang bunga ng sining mo't agham
ito ba ang aking manang kalinangan?
Ito ba ang parang at iyon ang bundok?
na daratnan kong uling na at tuod
Ito b ang wakas sa layon ng Diyos
na ang unang tao'y abutan ng dulos?
Iyan ba ang bukid na walang naimbak
kundi bungo ng mga kaanak
Binaog ng inyong punlong makamandag
at wala ni damo'y dya'y nagugat?
Kahubdan at gutom , isipang salanta
bigong pananalig at pagasang giba
ito ba ang manang aking mapapala?
na labi ng inyong labi at sumpa?
O sangakatuhan ng dantaong io
na dapat sisihin ng mga inapo
ano sa darating ang isasagot mo
sa sumbat ng lahing sususnod sau?
Walang komento:
Mag-post ng isang Komento